మహాశివరాత్రి వేళ పలు ఆలయాలను సందర్శించిన మంత్రి ఈటల

​వరంగల్​ అర్బన్ జిల్లాలో రాష్ట్ర ఆరోగ్యశాఖ మంత్రి ఈటల రాజేందర్ పర్యటించారు. మహా శివరాత్రి పర్వదినాన్ని పురస్కరించుకుని జిల్లాలోని పలు శివాలయాలను ఆయన సందర్శించారు.

మహాశివరాత్రి పర్వదినాన్ని పురస్కరించుకుని వరంగల్​ అర్బన్​ జిల్లాలోని పలు శివాలయాలను రాష్ట్ర ఆరోగ్యశాఖ మంత్రి ఈటల రాజేందర్ సందర్శించారు. ఈ సందర్భంగా ఆలయ అధికారులు ఆయనకు ఘన స్వాగతం పలికారు. వేద పండితులు మంత్రికి ఆశీర్వచనాన్ని అందించారు.

శివరాత్రి సందర్భంగా జిల్లాలోని కమలాపూర్​ మండలం మర్రిపల్లిగూడెం గ్రామంలో ఏర్పాటు చేసిన బ్యాడ్మింటన్‌ టోర్నమెంట్‌ను మంత్రి ఈటల ప్రారంభించారు. క్రీడాకారులను పరిచయం చేసుకున్నారు. కాసేపు షటిల్​ బ్యాట్​ పట్టుకుని వారిలో హుషారు నింపారు. అనంతరం ఉప్పల్​ గ్రామంలోని శివాలయాన్ని సందర్శించి ప్రత్యేక పూజలు నిర్వహించారు.

మహాశివరాత్రి వేళ పలు ఆలయాలను సందర్శించిన మంత్రి ఈటల

ఇదీ చదవండి:మరింత భద్రత కల్పించేందుకే క్యూఆర్ కోడ్ విధానం