వరంగల్ గ్రామీణ జిల్లా స్టేషన్ఘన్పూర్ నియోజకవర్గం చిల్పూర్ మండలంలోని ఉన్నత పాఠశాలలో కడియం ఫౌండేషన్ ఆధ్వర్యంలో విద్యార్థులకు రాత పుస్తకాలు పంపిణీ చేశారు. విద్యార్థులు చదువుకొని ఉన్నతంగా ఎదగాలని కడియం ఫౌండేషన్ ఛైర్పర్సన్ కడియం కావ్య సూచించారు. విద్యార్థునులు ఆరోగ్యం పట్ల శ్రద్ధ వహించాలన్నారు. ముఖ్యంగా గ్రామీణ ప్రాంత విద్యార్థులు చదువును నిర్లక్ష్యం చేయెద్దని తెలిపారు. ఈ కార్యక్రమంలో సర్పంచ్ లింగారెడ్డి, ఎంపీటీసీ సభ్యురాలు తాళ్లపల్లి ఉమారాణి, ప్రధానోపాధ్యాయురాలు రమాదేవి, స్థానికులు పాల్గొన్నారు.
విద్యార్థులకు కడియం ఫౌండేషన్ రాతపుస్తకాల వితరణ