ప్రశాంతంగా ప్రారంభమైన జేఈఈ అడ్వాన్స్​డ్ పరీక్ష

ఐఐటీ కోర్సుల్లో ప్రవేశానికి నిర్వహించే జేఈఈ అడ్వాన్సుడ్ పరీక్ష ప్రశాంతంగా ప్రారంభమైంది. అభ్యర్థులు గంట ముందుగానే కేంద్రాలకు చేరుకున్నారు.

వరంగల్ అర్బన్ జిల్లా కేంద్రంలో జేఈఈ అడ్వాన్సుడ్ పరీక్ష ప్రశాంతంగా ప్రారంభమైంది. నిముషం ఆలస్యమైనా పరీక్షకు అనుమతించమని అధికారులు తెలిపిన కారణంగా గంట ముందుగానే అభ్యర్థులు కేంద్రానికి చేరుకున్నారు. మొదటి పేపర్ ఉదయం 9 నుంచి మధ్యాహ్నం 12 గంటల వరకు... రెండో పేపర్ మధ్యాహ్నం 2 నుంచి సాయంత్రం 5 గంటల వరకు జరగనుంది. తెలుగు రాష్టాల నుంచి సుమారు 30 వేల మంది ఈ పరీక్షకు హాజరుకానున్నారు.