యువతికి నిప్పంటించాడు

పట్టపగలు అందరూ చూస్తుండగానే ఓ ప్రేమోన్మాది రెచ్చిపోయాడు. ఓ యువతిని వెంబడించి పెట్రోల్ పోసి నిప్పంటించాడు. హన్మకొండలో ఈ దారుణం వెలుగుచూసింది.

వరంగల్ జిల్లా హన్మకొండలో మరో ప్రేమోన్మాది రెచ్చిపోయాడు. రామ్‌నగర్‌లో డిగ్రీ విద్యార్థినిపై పెట్రోల్‌ పోసి నిప్పంటించాడు. కళాశాలకు వెళ్తున్న రవళిని వెంబడించిన దుర్మార్గుడు రోడ్డుపై అడ్డుకున్నాడు. తనతోపాటు తెచ్చుకున్న పెట్రోల్​ను ఆమెపై​ పోసి కాల్చేశాడు. ఒళ్లంతా కాలిపోతుంటే కాపాడమని ఆ యువతి ఆర్తనాదాలు చేసింది. తీవ్రంగా గాయపడ్డ యువతిని ఆసుపత్రికి తరలించి చికిత్స అందిస్తున్నారు. ఈ ఘాతుకానికి పాల్పడిన దుర్మార్గుడిని కఠినంగా శిక్షించాలని స్థానికులు కోరుతున్నారు.