హన్మకొండ ఎగ్జిబిషన్​లో చిన్నారులకు గాయాలు

వరంగల్​ అర్భన్​ జిల్లా హన్మకొండలోని ఎగ్జిబిషన్​లో ప్రమాదం చోటుచేసుకుంది. చిన్నారుల ప్రయాణిస్తున్న రైలు..ఒక్కసారిగా వేగం పెంచడం వల్ల పట్టాలు తప్పి ముగ్గురు చిన్నారులు గాయాలపాలయ్యారు.

వరంగల్​ అర్బన్​ జిల్లా హన్మకొండలోని హాయగ్రీవాచారి మైదానంలో ఏర్పాటుచేసిన క్రిష్​ఫన్​ ఫైర్​ ఎగ్జిబిషన్​లో స్వల్ప ప్రమాదం చోటుచేసుకుంది. రైలు అపరేటర్​ ఒక్కసారిగా వేగం పెంచడం వల్ల ఒక బోగి పట్టాలు తప్పింది. అందులో ప్రయాణిస్తున్న ముగ్గురు చిన్నారులు గాయపడ్డారు. వెంటనే స్థానికులు వారిని ఆసుపత్రికి తరలించారు. ఘటన స్థలాన్ని సందర్శించిన పోలీసులు కారణాలపై ఆరా తీశారు.