ఉపాధ్యాయుల వేధింపులే కారణామా?

వరంగల్ గ్రామీణ జిల్లా పర్వతగిరి మండల కేంద్రంలోని ఆదర్శ పాఠశాలలో పదో తరగతి చదువుతున్న మడ్డి ప్రసన్న వసతి గృహంలో ఉరి వేసుకుని ఆత్మహత్య చేసుకుంది. పాఠశాల ఉపాధ్యాయుల కారణంగానే విద్యార్థి బలవన్మరణానికి పాల్పడినట్లు బంధువులు ఆరోపిస్తున్నారు.

వరంగల్ గ్రామీణ జిల్లా పర్వతగిరి మండల కేంద్రంలోని ఆదర్శపాఠశాలలో ఆందోళన నెలకొంది. నిన్న సాయంత్రం పదో తరగతి చదువుతున్న మడ్డి ప్రసన్న వసతి గృహంలో ఉరి వేసుకుని ఆత్మహత్య చేసుకుంది. పాఠశాల ప్రధానోపాధ్యాయుడు, ఉపాధ్యాయుల వేధింపులే కారణమని బంధువులు ఆరోపిస్తున్నారు.

ఉపాధ్యాయులు ప్రసన్నపై లేనిపోని నిందలు మోపారని, తీవ్ర మనస్థాపనికి గురై బలవన్మరణానికి పాల్పడిందని బంధువులు వాపోతున్నారు. విద్యార్థి చావుకు కారణమైన వారిని వెంటనే తొలగించాలని నినాదాలు చేస్తూ... మృతదేహంతో ధర్నాకి దిగారు. నిందితులపై కఠిన చర్యలు తీసుకునే వరకు ఆందోళన ఆపేది లేదని స్పష్టం చేశారు.