పేదలకు నిత్యావసర సరకుల పంపిణీ

ఇటీవల కురిసిన భారీ వర్షాలు, వరదల సమయంలో ప్రభుత్వం సకాలంలో స్పందించడం వల్ల భారీ ముప్పు తప్పిందని ప్రభుత్వ చీఫ్​ విప్​ దాస్యం వినయ భాస్కర్​ అన్నారు. వరంగల్ పశ్చిమ నియోజకవర్గంలోని 36 వ డివిజన్ పరిధి ఇందిరమ్మకాలనీలోని పేదలకు నిత్యావసరాలు పంపిణీ చేశారు.

వరంగల్​ పశ్చిమ నియోజకవర్గం 36వ డివిజన్​ పరిధి ఇందిరమ్మ కాలనీవాసులకు లోడి సామాజిక సంస్థ ఆధ్వర్యంలో నిత్యావసర సరకులు పంపిణీ చేశారు. కార్యక్రమానికి ముఖ్య అతిథిగా ప్రభుత్వ చీఫ్ విప్ దాస్యం వినయ భాస్కర్ హాజరయ్యారు.

వర్షాలు, వరదల సమయంలో ముఖ్యమంత్రి కేసీఆర్​, మంత్రి కేటీఆర్​ సకాలంలో స్పందించి జిల్లా యంత్రాంగాన్ని ఎప్పటికప్పుడు అప్రమత్తం చేయడం వల్ల భారీ ముప్పుతప్పిందని పేర్కొన్నారు. కష్టకాలంలో పేదలకు సేవా కార్యక్రమాలు చేస్తున్న లోడి సామాజిక సంస్థ నిర్వాహకులను అభినందించారు.