వైరస్​ నిర్మూలకు కర్పూరం చిట్కా చెప్పిన ఎమ్మెల్యే

కర్పూరం మన దగ్గర ఉంటే ఎలాంటి వైరస్ దరిచేరదని ఎమ్మెల్యే ఆరూరి రమేశ్​ అన్నారు. వర్ధన్నపేట మున్సిపాలిటీ పరిధిలోని పలువురు కూరగాయల వ్యాపారులకు కరోనా కట్టడి చర్యలపై  అవగాహన కల్పించారు.

కర్పూరం, పసుపు వంటి చిట్కాలతో వైరస్​లను అరికట్టవచ్చని వర్ధన్నపేట ఎమ్మెల్యే ఆరూరి రమేశ్​ సూచించారు. వరంగల్ రూరల్ జిల్లా వర్ధన్నపేట మున్సిపాలిటీ పరిధిలో కూరగాయల వ్యాపారులకు కరోనాపై అవగాహన కల్పించారు. స్థానిక ప్రభుత్వాసుపత్రిలో కరోనా కట్టడి చర్యలపై ఆరా తీశారు. వైద్య సదుపాయాలను పరిశీలించారు.

జిల్లా వ్యాప్తంగా ఇప్పటి వరకు ఒక్క కరోనా కేసు నమోదు కాలేదని.. అధికారులు అన్నివేళలా అప్రమత్తంగా ఉండాలని సూచించారు. వైరస్ నిర్మూలనకై అగ్నిమాపక కేంద్రం సిబ్బందితో రోడ్లపై రసాయనాలు పిచికారి చేయించారు.

ఇదీ చూడండి:కరోనాకు మందు లేదు.. ఓ ఆయుధం ఉంది: కేసీఆర్