వరంగల్ రూరల్ జిల్లా పరకాలలో డాక్టర్ సిరంగి సంతోష్ కుమార్ తన తండ్రి జ్ఞాపకార్థం ప్రతి సంవత్సరం విద్యార్థులకు మొక్కలు పంపిణీ చేస్తున్నారు. ఈ సంవత్సరం 200 మంది పాఠశాల విద్యార్థులకు గులాబీ మొక్కలు అందజేశారు. విద్యార్థులు పచ్చని చెట్టు ప్రగతికి మెట్టు అంటూ నినాదాలు చేశారు. ఈ సందర్భంగా సంతోష్ విద్యార్థులను ఉద్దేశించి చెట్లను పెంచే ప్రక్రియ జీవితంలో ఒక భాగం కావాలన్నారు. పాత్రికేయులకు కొబ్బరి మొక్కలు పంపిణీ చేశారు. ఈ ఏడాది ఒక వెయ్యి మెుక్కలు పంపిణీ చేసి వాటి సంరక్షణ బాధ్యతలు తీసుకుంటానని పేర్కొన్నారు. డాక్టర్ సిరంగి సంతోష్ కుమార్ ప్రకృతి ప్రేమపై స్థానికులు ఆనందం వ్యక్తం చేస్తున్నారు.
తండ్రి జ్ఞాపకార్థం ప్రతి సంవత్సరం మొక్కల పంపిణీ