విస్తారంగా కురిసిన వర్షాలతో రాష్ట్రం నిండా ధాన్యపురాశులేనని... కొనుగోళ్ల విషయంలో జాగత్త్రగా ఉండాలని వ్యవసాయ శాఖ మంత్రి నిరంజన్‌ రెడ్డి, పౌరసరఫరాల శాఖ మంత్రి గంగుల కమలాకర్‌ అధికారులకు సూచించారు. ముఖ్యమంత్రి కేసీఆర్‌ సూచనల మేరకు అన్ని శాఖల అధికారులతో వేరువేరుగా సమీక్ష నిర్వహించారు. పౌర సరఫరాల శాఖ నుంచి ధాన్యం కొనుగోలుకు పకడ్బందీ ప్రణాళికలు రూపొందించి త్వరలో ముఖ్యమంత్రికి నివేదిక అందించనున్నట్లు మంత్రులు స్పష్టం చేశారు. సీసీఐ ద్వారా పత్తి కొనుగోళ్ల కోసం 306 జిన్నింగ్ మిల్లులు, 34 మార్కెట్ యార్డులు, 340 కేంద్రాల ద్వారా కొనుగోళ్లు చేపట్టనున్నట్లు మంత్రులు పేర్కొన్నారు. పత్తి పంట సాగు విస్తీర్ణానికి అనుగుణంగా కొనుగోలు కేంద్రాల ఏర్పాటు చేయనున్నట్లు వివరించారు. యాసంగి సాగుకు విత్తనాలు, ఎరువులపై సంపూర్ణ ప్రణాళికలు, ఎరువుల బఫర్ స్టాక్ పెంచేందుకు సంబంధించిన అంశాలపై అధికారులను ఆదేశించారు.
వేరువేరుగా మంత్రుల సమీక్షలు..