తాగునీటి కోసం తామంతా అల్లాడుతున్నామని ఎమ్మెల్యే ముందు గోడు వెల్లబోసుకున్నారు వికారాబాద్ జిల్లా కొడంగల్లోని బాలాజీనగర్ కాలనీ వాసులు. పట్టణంలోని పలు అభివృద్ధి పనుల ప్రారంభోత్సవానికి వచ్చిన స్థానిక ఎమ్మెల్యే నరేందర్రెడ్డిని మహిళలు అడ్డుకున్నారు. వేసవి ప్రారంభానికి ముందే కాలనీలో తాగునీటికి నానా అవస్థలు పడుతున్నామని ఆవేదన వెలిబుచ్చారు.
ఎమ్మెల్యేను నిలదీసిన మహిళలు - Vikarabad district news
వికారాబాద్ జిల్లా కొడంగల్ పట్టణంలో పలు అభివృద్ధి కార్యక్రమాలను ప్రారంభించడానికి వచ్చిన స్థానిక ఎమ్మెల్యే నరేందర్రెడ్డిని మహిళలు అడ్డుకున్నారు. తాగునీరు లేక తామంతా తీవ్ర ఇబ్బందులు ఎదుర్కొంటున్నామని ఎమ్మెల్యేను నిలదీశారు.
తాగునీటి కోసం ఎమ్మెల్యేను నిలదీసిన మహిళలు
మిషన్ భగీరథ పనులు ఇంకా పూర్తి కాకపోవడం వల్ల తాగునీటికి ఇబ్బందులు ఏర్పడ్డాయని ఎమ్మెల్యేను కాలనీ వాసులు నిలదీశారు. మరో వారం పది రోజుల్లో అన్ని పనులు పూర్తిచేసి అందరికీ తాగునీరు అందేలా కృషి చేస్తానని ఎమ్మెల్యే హామీ ఇవ్వగా... మహిళలు శాంతించారు.