బిక్య తండాలో మహిళా అనుమానాస్పద మృతి

సూర్యాపేట జిల్లాలోని కోదాడ మండలం బిక్య తండాలో ఓ మహిళా మృతదేహం బావిలో కనిపించింది. ఈ ఘటన గ్రామంలో కలకలం రేపింది. గూగులోతు కోటేశ్వరి అనుమానాస్పదంగా మృతి చెందినట్లు స్థానికులు తెలిపారు.

సూర్యాపేట జిల్లా కోదాడ మండలం బిక్య తండాలో గూగులోతు కోటేశ్వరి మృతదేహం ఆలస్యంగా వెలుగులోకి వచ్చింది.గూగులోతు కోటేశ్వరి, సిపాయి దంపతులు.గూగులోతు సిపాయి కోదాడ ఆర్టీసీ డిపోలో బస్సు డ్రైవర్​గా విధులు నిర్వహిస్తున్నాడు. వీరి మధ్య గత కొంతకాలం నుంచి గొడవలు జరుగుతున్నాయి.

వీరికి ఇద్దరు పిల్లలు ఉన్నారు. మొన్న రాత్రి భర్త మద్యం సేవించి ఇంటికి వచ్చాడు. మరుసటి రోజు సాయంత్రానికి కోటేశ్వరి మృతదేహం బావిలో కనిపించగా గ్రామస్థులు భయభ్రాంతులకు గురయ్యారు. భర్త పరారీలో ఉన్నాడని పోలీసులు తెలిపారు. కేసు నమోదు చేసుకున్న పోలీసులు దర్యాప్తు చేస్తున్నారు.

ఇవీ చూడండి : ఇంటర్​ ఫలితాలపై విచారణ ఈ నెల 14కు వాయిదా