అక్రమాలు చేశానని నిరూపిస్తే రాజీనామా చేస్తా: ఎమ్మెల్యే సైదిరెడ్డి

సూర్యాపేట జిల్లా హుజూర్​నగర్ పట్టణంలో సర్వసభ్య సమావేశం నిర్వహించారు. కార్యక్రమానికి ముఖ్యఅతిథిగా ఎమ్మెల్యే శానంపూడి సైదిరెడ్డి హాజరయ్యారు.

తాను ఇసుక మాఫియా, భూ కబ్జా వంటి అక్రమాలకు పాల్పడినట్లు నిరూపిస్తే ఎమ్మెల్యే పదవికి రాజీనామా చేస్తానని సైదిరెడ్డి అన్నారు. సూర్యాపేట జిల్లా హుజూర్​నగర్​ పట్టణంలో జరిగిన సర్వసభ్య సమావేశంలో ఆయన ముఖ్య అతిథిగా పాల్గొన్నారు.

రాష్ట్ర ప్రభుత్వం రైతుల సంక్షేమం కోసం అనేక కార్యక్రమాలు చేపడుతోందని పేర్కొన్నారు. నిరంతర విద్యుత్​, రైతుల పండించిన పంటను మద్దతు ధరకు కొనుగోలు చేస్తూ అన్నదాతకు అండగా నిలుస్తోందన్నారు. ఒకరిపై ఒకరు విమర్శలు చేసుకోకుండా... నియోజకవర్గ అభివృద్ధికి కృషి చేయాలని సూచించారు.

ఇదీ చూడండి:'వాళ్లే కాలగర్భంలో కలిసిపోయారు... తెరాస ఎంత?'