తెరాస నాయకుడి ఇంట్లో రూ.11 లక్షల మద్యం పట్టివేత

హుజూర్​నగర్​ ఉప ఎన్నికల వేళ పోలీసులు నేతల ఇళ్లలో ఆకస్మిక తనిఖీలు చేపడుతున్నారు. సూర్యాపేట జిల్లా మటంపల్లిలో తనిఖీలు చేసిన పోలీసులకు దిమ్మతిరిగేలా మద్యం నిల్వలు పట్టుబడ్డాయి. ఏకంగా రూ.11 లక్షల విలువైన మద్యం ఓ తెరాస నాయకుడి ఇంట్లో దొరికింది.

సూర్యాపేట జిల్లా మటంపల్లిలో భారీగా మద్యం నిల్వలు పట్టుబడ్డాయి. పోలీసులకు వచ్చిన సమాచారం మేరకు తెరాసకు చెందిన ఓ నాయకుడి ఇంట్లో ఆకస్మిక తనిఖీలు నిర్వహించారు. ఈ తనిఖీల్లో సుమారు రూ. పదకొండున్నర లక్షల విలువైన మద్యాన్ని పోలీసులు స్వాధీనం చేసుకున్నారు. నాయకునిపై పోలీసులు కేసు నమోదు చేసుకుని విచారణ చేపట్టారు.

ఇవీ చూడండి: రాజకీయ అరంగేట్రంపై కంగనా ఆసక్తికర సమాధానం