'కేసీఆర్​, ఉత్తమ్​ కుమార్​ ఒక్కటే'

ముఖ్యమంత్రి కేసీఆర్​, ఉత్తమ్​ కుమార్​ ఒక్కటేనని భాజపా నేత రవీంద్రనాయక్​ ఆరోపించారు. హుజూర్​నగర్​ ఉపఎన్నికలో కేసీఆర్ నాయకత్వాన్ని ఎండగట్టడానికి ప్రజలంతా సిద్ధంగా ఉన్నారని ఆయన పేర్కొన్నారు.

హుజూర్​నగర్ ఉపఎన్నికలో భాజపా విజయం సాధిస్తుందని ఆ పార్టీ నేత రవీంద్రనాయక్​ ధీమా వ్యక్తం చేశారు. ప్రధాని నరేంద్రమోదీ నాయకత్వం, భాజపా పట్ల యువతసహా అన్ని వర్గాల ప్రజల్లో బ్రహ్మాండమైన చర్చ సాగుతోందని​ తెలిపారు. చరిత్రలో మొదటిసారి హుజూర్‌నగర్ ప్రాంతంలో ఒక బీసీ అభ్యర్థిని ఎన్నికల బరిలోకి దింపినందుకు ప్రజలు హర్షం వ్యక్తం చేస్తున్నారని చెప్పారు. కేసీఆర్ నాయకత్వాన్ని ఎండగట్టడానికి ప్రజలంతా సిద్ధంగా ఉన్నారని రవీంద్రనాయక్ పేర్కొన్నారు.

ఇవీ చూడండి:'కార్మికులకు చట్ట ప్రకారం సమ్మె చేసే హక్కు ఉంది'