'కోర్టును తరలిస్తే ఆందోళన ఉద్ధృతం చేస్తాం'

సూర్యాపేట జిల్లా తుంగతుర్తి మండల కేంద్రంలో అఖిలపక్షం నేతలు ఆందోళన చేపట్టారు. తుంగతుర్తి నుంచి కోర్టు తరలింపు ప్రయత్నాలు విరమించుకోవాలని డిమాండ్​ చేశారు.

సూర్యాపేట జిల్లా తుంగతుర్తి మండల కేంద్రంలో అఖిలపక్షం నేతలు ధర్నాకు దిగారు. మున్సిఫ్ ​కోర్టును తరలించొద్దని డిమాండ్​ చేశారు. 12 ఏళ్లుగా తుంగతుర్తిలో నిర్వహిస్తోన్న కోర్టును అర్ధాంతరంగా తిరుమలగిరికి తరలించే ప్రయత్నాలు విరమించుకోవాలని విజ్ఞప్తి చేశారు. కొంతమంది వ్యాపారులు న్యాయవాదులతో కుమ్మక్కై కోర్టును తరలించేందుకు ప్రయత్నిస్తున్నారని తెలంగాణ సామాజిక వేదిక రాష్ట్ర వ్యవస్థాపక అధ్యక్షుడు అన్నెపర్తి జ్ఞానసుందర్​ ఆరోపించారు. న్యాయస్థానాన్ని తరలించే ప్రయత్నాలు మానుకోవాలని, లేకుంటే ఆందోళన ఉద్ధృతం చేస్తామని హెచ్చరించారు. పోలీసులు జోక్యం చేసుకొని ధర్నాను విరమింపజేశారు.

ఇవీ చూడండి: ఇంటర్​ సప్లిమెంటరీ పరీక్షలు మళ్లీ వాయిదా