ద్విచక్ర వాహనాన్ని ఢీకొన్న కారు.. ఒకరు మృతి

ద్విచక్ర వాహనాన్ని కారు ఢీకొని ఒకరు మృతి చెందిన ఘటన సిద్దిపేట జిల్లా పిడిచేడులో జరిగింది. కేసు నమోదు చేసుకున్న పోలీసులు విచారణ చేపట్టారు.

సిద్దిపేట జిల్లా గజ్వేల్ మండలం క్యాసారంకు చెందిన బలవంత్​రెడ్డి(22) తన ద్విచక్రవాహనంపై గజ్వేల్​కు బయల్దేరాడు. నల్లవాగు గడ్డ సమీపంలో ఎదురుగా వస్తున్న కారు అతని ద్విచక్ర వాహనాన్ని ఢీకొట్టింది. బలవంత్​రెడ్డి అక్కడికక్కడే మృతి చెందాడు.

కుమారుని మరణ వార్త తెలుసుకుని తల్లిదండ్రులు ఒక్కసారిగా కుప్పకూలిపోయారు. మృతదేహాన్ని పోస్టుమార్టం నిమిత్తం గజ్వేల్ ప్రభుత్వ ఆసుపత్రికి తరలించారు. కేసు నమోదు చేసుకున్న పోలీసులు విచారణ చేపట్టారు.

ఇదీ చూడండి :ఆ వీడియోను పూర్తిగా చూడండి: మంత్రి కేటీఆర్​