రాజకీయాలకు అతీతంగా హుస్నాబాద్​ను అభివృద్ధి చేస్తాం : పొన్నం ప్రభాకర్

Minister Ponnam Prabhakar Participate in Program at Husnabad : హుస్నాబాద్​లో కేంద్రీయ విద్యాలయం కోసం ప్రయత్నం చేస్తున్నానని మంత్రి పొన్నం ప్రభాకర్​ తెలిపారు. అలాగే మెడికల్​ కళాశాల నిర్మాణం కోసం స్థల సేకరణ జరుగుతోందని చెప్పారు. సిద్దిపేట జిల్లా హుస్నాబాద్​లో పలు కార్యక్రమాల్లో ఆయన పాల్గొని ప్రసంగించారు.

Minister Ponnam Prabhakar Participate in Program at Husnabad : సిద్దిపేట జిల్లా హుస్నాబాద్​లో మెడికల్​ కళాశాల(Medical College) ఏర్పాటు కోసం స్థల సేకరణ జరుగుతోందని రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్​ అన్నారు. హుస్నాబాద్​లో జరిగిన పలు కార్యక్రమాల్లో మంత్రి పొన్నం ప్రభాకర్​ పాల్గొని, మాట్లాడారు. తాను ఎంపీగా ఉన్న సమయంలోనే ఉమ్మడి కరీంనగర్​ జిల్లాలో నాలుగు మున్సిపాలిటీలను ఏర్పాటు చేశామని చెప్పుకొచ్చారు.

హుస్నాబాద్​లో కేంద్రీయ విద్యాలయం కోసం ప్రయత్నం చేస్తున్నానని మంత్రి పొన్నం ప్రభాకర్(Minister Ponnam Prabhakar)​ వెల్లడించారు. ఈ పట్టణంలోని వార్డుల్లో సమస్యలు తెలుసుకొని, పరిష్కార మార్గం చూపెడతామని పాలకవర్గానికి దిశా నిర్దేశం చేశారు. రాజకీయాలకు అతీతంగా హుస్నాబాద్​ అభివృద్ధి కోసం కలిసికట్టుగా పని చేస్తామన్నారు. ఏ సమస్యలు ఉన్న మధ్యవర్తుల ప్రమేయం లేకుండా ప్రజలు నేరుగా తనను కలవచ్చని చెప్పారు. గౌరవెల్లి భూ నిర్వాసితుల సమస్యలు తెలుసుకొని, వాటిని పరిష్కరించి సాధ్యమైనంత త్వరగా గౌరవెల్లి ప్రాజెక్టును అందరి సమక్షంలో ప్రారంభించుకుంటామని ఆశాభావం వ్యక్తం చేశారు.

"ఆనాడు నేను పార్లమెంటు సభ్యుడిగా ఉన్నప్పుడు వేములవాడు, హుజూరాబాద్​, జమ్మికుంట, హుస్నాబాద్​ ఈ నాలుగింటిని మున్సిపాలిటీలుగా చేయించడం జరిగింది. ప్రియాంక గాంధీ వచ్చి హుస్నాబాద్​కు మెడికల్​ కాలేజీని ప్రకటించారు. వారి ప్రకటన మేరకు హుస్నాబాద్​లో స్థల సేకరణ ప్రక్రియ కొనసాగుతోంది. ఈ ప్రాంతంలో కేంద్రీయ విశ్వవిద్యాలయం తేవాలని అనుకుంటున్నాం. దానికి తగ్గ ప్రతిపాదనలు చేస్తున్నాము. ఆరోగ్యం, పారిశుద్ధ్యం, అభివృద్ధి, రింగురోడ్డు వంటి అంశాలను మేనిఫెస్టోలో పెట్టుకున్నాము. గౌరవెల్లి ప్రాజెక్టు ముంపు గ్రామాల సమస్యను వీలైనంత త్వరలో పరిష్కరిస్తాం. నియోజకవర్గంలో పేదలందరికీ రూ.5 లక్షలతో ఇందిరమ్మ ఇళ్లను నిర్మించి ఇస్తాం."- పొన్నం ప్రభాకర్​, మంత్రి

Minister Ponnam Prabhakar Visit Husnabad : అనంతరం హుస్నాబాద్​ ప్రభుత్వ ఆసుపత్రిని సందర్శించిన మంత్రి పొన్నం, ఆ తర్వాత ఆసుపత్రి ఆవరణలో మొక్కను నాటారు. వాసవి సేవా సమితి ఆధ్వర్యంలో ఏర్పాటు చేసిన అన్నదాన కార్యక్రమాన్ని ప్రారంభించారు. హుస్నాబాద్​ ప్రభుత్వ ఆసుపత్రిలో రోగులకు అందుతున్న వసతులపై వారినే అడిగి మంత్రి పొన్నం ప్రభాకర్​ తెలుసుకున్నారు.

మంత్రి బాధ్యతలు చేపట్టిన తర్వాత అధికారులతో పొన్నం తొలి సమావేశం : మరోవైపు సిద్దిపేట జిల్లా సమీకృత కలెక్టరేట్​ కార్యాలయంలో రాష్ట్ర రవాణా, బీసీ శాఖ మంత్రి పొన్నం ప్రభాకర్​ అధికారులతో సమావేశమయ్యారు. ఆయన మంత్రిగా బాధ్యతలు చేపట్టిన తర్వాత అధికారులతో ఇదే తొలి సమావేశం కావడం విశేషం. ఈ సందర్భంగా పలు శాఖల అధికారులతో మంత్రి పొన్నం సమీక్ష నిర్వహించారు. అధికారులు ప్రజలతో మమేకమై పని చేయాలని మంత్రి సూచించారు. ప్రభుత్వం మారిందని, ప్రజల్లో కూడా మార్పు వచ్చిందన్నారు. అలాగే ప్రభుత్వ అధికారుల పనితీరు కూడా మారాలని, అధికారులు చిత్తశుద్ధితో పని చేయాలన్నారు. ఈ సమావేశంలో మంత్రి పొన్నం ప్రభాకర్​తో పాటు జిల్లా కలెక్టర్​ ప్రశాంత్​ జీవన్​ పాటిల్​, సీపీ శ్వేత, పలు శాఖల అధికారులు పాల్గొన్నారు.