సిద్దిపేట జిల్లా దుబ్బాక నియోజకవర్గంలో భాజపా సభ్యత్వ నమోదును మాజీ మంత్రి డీకే అరుణ ప్రారంభించారు. మిరుదొడ్డి మండల కేంద్రంలో ఏర్పాటు చేసిన కార్యక్రమంలో రాష్ట్ర నాయకులు రఘునందన్రావుతో కలిసి పాల్గొన్న ఆమె మొక్క నాటారు. ప్రతి ఒక్కరూ బాధ్యత తీసుకొని 100 నుంచి వెయ్యి వరకు సభ్యత్వాలు నమోదు చేయించాలని సూచించారు. కేంద్ర ప్రభుత్వం అమలు చేస్తున్న స్వచ్ఛభారత్, ప్రధానమంత్రి ఆవాస్ యోజన, ఉజ్వల్ యోజన కింద ప్రతి ఇంటికి వంట గ్యాస్ పంపిణీ వంటి ఎన్నో సంక్షేమ పథకాలు గురించి గ్రామాల్లో తెలియచేయాలన్నారు. వెయ్యి సభ్యత్వాలు నమోదు చేయించిన వారికి అమిత్షాను కలిసే అవకాశం వస్తుందన్నారు.
వెయ్యి సభ్యత్వాలు చేస్తే అమిత్షాను కలిసే అవకాశం