వ్యవసాయ బిల్లు రద్దు చేయాలి: చాడ వెంకట్​ రెడ్డి

కేంద్ర ప్రభుత్వం తీసుకొచ్చిన వ్యవసాయ బిల్లును రద్దు చేయాలని సీపీఐ రాష్ట్ర కార్యదర్శి చాడ వెంకట్ రెడ్డి డిమాండ్​ చేశారు. సిద్దిపేట జిల్లా కలెక్టర్ కార్యాలయం ముందు ఆ పార్టీ నిర్వహించిన ధర్నాలో పాల్గొన్నారు. ఆందోళన చేస్తున్న వీరిని పోలీసులు అదుపులోకి తీసుకుని వన్​టౌన్ పోలీస్ స్టేషన్​కు తరలించారు.

సిద్దిపేట జిల్లా కలెక్టర్ కార్యాలయం ముందు సీపీఐ ఆధ్వర్యంలో ఆందోళన చేపట్టారు. ఈ ధర్నాలో ఆ పార్టీ రాష్ట్ర కార్యదర్శి చాడ వెంకట్ రెడ్డి పాల్గొన్నారు. కేంద్ర ప్రభుత్వం తీసుకొచ్చిన వ్యవసాయ బిల్లును రద్దు చేయాలని వెంకట్​ రెడ్డి డిమాండ్ చేశారు. నూతన విద్యుత్ బిల్లును వెంటనే ఉపసంహరించుకోవాలన్నారు. కార్మిక వ్యతిరేక చట్టాలను రద్దు చేయాలన్నారు.

రాష్ట్ర ప్రభుత్వం సన్నరకం వరి ధాన్యానికి వెంటనే మద్దతు ధర ప్రకటించాలని కోరారు. సన్న వరి పండించాలని ముఖ్యమంత్రి కేసీఆర్ చెబితే రైతులు ఆ పంట వేశారని చెప్పారు. ఇప్పుడు ధాన్యానికి మద్దతు ధర ఇవ్వకపోవడం వల్ల అన్నదాతలు నష్టపోతారని తెలిపారు.

ఇదీ చదవండి:సన్నరకానికి మద్దతు ధర కల్పించాలని భాజపా ఆందోళన