మిషన్ భగీరథ పనుల పరిశీలన

సంగారెడ్డి జిల్లా వేముకుంటలో వందశాతం పూర్తయిన మిషన్​ భగీరథ పనులను ఇంజనీరింగ్​ చీఫ్​ కృపాకర్​ రెడ్డి పరిశీలించారు.

సంగారెడ్డి జిల్లా పటాన్​చెరు మండలం వేముకుంటలో వందశాతం పూర్తయిన మిషన్ భగీరథ పనులను ఇంజనీరింగ్ చీఫ్​ కృపాకర్ రెడ్డి అధికారులతో కలిసి పరిశీలించారు. గ్రామస్థులతో మాట్లాడి సమస్యలు తెలుసుకున్నారు. ప్రభుత్వం అందిస్తోన్న మిషన్ భగీరథ నీరు చాలా స్పష్టమైనదని ఆయన పేర్కొన్నారు. ముందుగా జిల్లాలోని 3 గ్రామాలను మోడల్​ గ్రామాలుగా తీర్చిదిద్ది... తర్వాత జిల్లా అంతా మోడల్​గా తయారు చేయాలని 100 రోజుల ప్రణాళిక రూపొందించామని ఆయన తెలిపారు. మిషన్​ భగీరథపై ప్రజల్లో అవగాహన ఎలా పెంచాలి, పనులు ఎలా పూర్తి చేయాలి అనే అంశాలపై అధికారులకు ఆయన అవగాహన కల్పించారు.

ఇదీ చూడండి: సిబ్బంది విధుల బహిష్కరణ... నిర్మానుష్యంగా కార్యాలయాలు