రోడ్డు ప్రమాదంలో ఐదుగురికి తీవ్ర గాయాలు

సంగారెడ్డి జిల్లా 161వ జాతీయ రహదారిపై రోడ్డు ప్రమాదం చోటుచేసుకుంది. ఈ ఘటనలో ఐదుగురికి తీవ్ర గాయాలయ్యాయి. క్షతగాత్రులను ఆస్పత్రికి తరలించారు.

సంగారెడ్డి జిల్లా నాందేడ్ అకోలా 161వ జాతీయ రహదారిపై పెద్దశంకరంపేట మండలం కోళ్లపల్లి వద్ద రోడ్డు ప్రమాదం జరిగింది. ఎదురెదురుగా వస్తున్న రెండు కార్లు బలంగా ఢీకొన్నాయి. ఐదుగురికి తీవ్ర గాయాలయ్యాయి. వారిని వెంటనే జిల్లా ప్రభుత్వ ఆస్పత్రికి తరలించారు. ఒక కారులో కామారెడ్డి జిల్లా పోతాంగల్​కు చెందిన సాయి గౌడ్, లక్ష్మి, వాహనచోదకుడు నజీబ్ ఉన్నారు. మరో వాహనంలో శంకరంపేట మండలం ఉత్తలూరుకు చెందిన విశ్వరూప్, కుసుమ బాయి ఉన్నారు. పోతాంగల్ నుంచి పెద్ద శంకరంపేట మీదుగా హైదరాబాద్ వెళ్తున్న కారు, హైదరాబాద్ నుంచి పెద్ద శంకరంపేట వైపు వస్తున్న ఇరు కార్లు ఢీ కొన్నాయి.

ఇదీ చూడండి: 5 కెమెరాలతో షియోమీ నుంచి సూపర్ బడ్జెట్​ ఫోన్​!