లక్డారం కూడలి వద్ద రోడ్డుప్రమాదం

సంగారెడ్డి జిల్లాలో జాతీయ రహదారిపై రోడ్డు ప్రమాదం చోటుచేసుకుంది. ఈ ఘటనలో ద్విచక్ర వాహనదారులకు తీవ్రంగా గాయలవగా వారిని ఆసుపత్రికి తరలించారు.

సంగారెడ్డి జిల్లాలోని పటాన్​చెరు మండలం లక్డారం కూడలి వద్ద జరిగిన రోడ్డు ప్రమాదంలో ఇద్దరు యువకులు తీవ్రంగా గాయపడ్డారు. 108 అందుబాటులో లేకపోవడం వల్ల క్షతగాత్రులను డీసీఎంలో ఆసుపత్రికి తరలించారు. ఉమ్మడి జిల్లాలకు చెందిన వీరు హైదరాబాద్​కు ద్విచక్రవాహనంపై వస్తుండగా.. వెనుక నుంచి లారీ ఢీకొట్టిందని స్థానికులు తెలిపారు. ఓ అపరిచిత వ్యక్తి ఈ ఘటనని చిత్రీకరించి సామాజిక మాధ్యమాల్లో అప్లోడ్ చేయగా వైరల్​గా మారింది.

ఇదీచూడండి: ద్విచక్రవాహనాన్ని ఢీకొన్న లారీ... ఒకరు మృతి