సరిహద్దుల వద్ద అప్రమత్తంగా ఉండాలి : ఎమ్మెల్యే భూపాల్​రెడ్డి

ఎమ్మెల్యే భూపాల్​రెడ్డి కరస్​గుత్తిలో పర్యటించారు. సరిహద్దు ప్రాంతాల్లో వాహన రాకపోకలకు అనుమతించవద్దని పోలీసులను ఆదేశించారు.

ముఖ్యమంత్రి కేసీఆర్​ ఇచ్చిన పిలుపుమేరకు ప్రజాప్రతినిధులు బయటకు వస్తున్నారు. సంగారెడ్డి జిల్లా నాగలిగిద్ద మండలం కరస్​గుత్తిలో నారాయణఖేడ్​ ఎమ్మెల్యే భూపాల్​రెడ్డి పర్యటించారు. ఈ సందర్భంగా కసర్​గుత్తి వద్ద ఏర్పాటు చేసిన తెలంగాణ-కర్ణాటక అంతర్రాష్ట్ర​ చెక్​పోస్ట్​ను ఆయన పరిశీలించారు. సరిహద్దు వద్ద రాకపోకలు లేకుండా కట్టుదిట్టమైన చర్యలు తీసుకోవాలని పోలీసులను ఆదేశించారు.

అనంతరం స్థానిక తండాల్లో కలియతిరిగి.. స్థానికులతో మాట్లాడారు. కరోనా ప్రబలకుండా ఉండేందుకు ప్రజలంతా లాక్​డౌన్​ను పాటించాలని కోరారు. ప్రతి ఒక్కరూ వ్యక్తిగత శుభ్రత పాటించాలని సూచించారు.

ఇవీచూడండి:'ఆ పన్నెండు సూత్రాలు పాటిస్తేనే కరోనా కట్టడి సాధ్యం'