జహీరాబాద్​లో ఘనంగా బోనాల వేడుకలు

బోనాల పండుగ సందర్భంగా సంగారెడ్డి జిల్లా జహీరాబాద్​లో వేడుకలు అంబరాన్నంటాయి. పోతరాజుల విన్యాసాలు, శివసత్తుల పూనకాలు ప్రత్యేక ఆకర్షణగా నిలిచాయి.

సంగారెడ్డి జిల్లా జహీరాబాద్​లో బోనాల పండుగ మహోత్సవం ఘనంగా జరిగింది. పట్టణంలోని గడిమొహల్లాలోని ఊరడమ్మ ఆలయం, బాగారెడ్డిపల్లి రాంనగర్​లోని పోచమ్మతల్లి ఆలయాలకు భక్తులు బోనాలు సమర్పించారు. పోతరాజుల విన్యాసాలు, శివసత్తుల పూనకాలతో పండుగ సందడి హోరెత్తింది. కాళికామాత, భవానిమాత ఉత్సవ విగ్రహాలను ఆరెకటిక సంఘం ఆధ్వర్యంలో పురవీధుల్లో ఊరేగించారు. మహిళలు ప్రత్యేకంగా బోనాలను అలంకరించి, నైవేద్యాలు సమర్పించి.. మహంకాళీ మాతకు మొక్కులు చెల్లించుకున్నారు.