'ఆశా కార్మికుల సమస్యలు పరిష్కరించాలి'

సంగారెడ్డిలో సీఐటీయూ కార్యకర్తలు ఆందోళనకు దిగారు. ఆశా కార్మికుల సమస్యలు పరిష్కరించాలని నిన్న ఛలో హైదరాబాద్ కార్యక్రమానికి వెళ్తున్న వారిని అరెస్టు చేసిన పోలీసులపై మండిపడ్డారు.

ఆశా వర్కర్ల సమస్యలు నెరవేర్చాలని నిన్న ఛలో హైదరాబాద్​ కార్యక్రమానికి వెళ్తున్న కార్మికులను పోలీసులు అరెస్టు చేశారు. ఆ ఘటనపై సీఐటీయూ కార్యకర్తలు తీవ్ర ఆవేదన వ్యక్తం చేశారు. ఈ నేపథ్యంలో సంగారెడ్డి కొత్త బస్టాండ్ ఆవరణలో సీఐటీయూ నాయకులు, ఆషా కార్మికులతో కలిసి ప్రభుత్వానికి వ్యతిరేకంగా నినాదాలు చేశారు.

ఆశా కార్మికులకు నెలకు వేతనం రూ. 21 వేలు ఇవ్వాలన్నారు. వారికి ఉద్యోగ భద్రత కల్పించాలని డిమాండ్​ చేశారు. తక్షణమే వారి సమస్యలు పరిష్కరించకుంటే ఉద్యమం ఉద్ధృతం చేస్తామని సీఐటీయూ నాయకులు పేర్కొన్నారు.

ఇదీ చూడండి :బైకుపై నుంచి పడ్డవారిపై దూసుకెళ్లిన లారీ.. ముగ్గురు మృతి