రామోజీ ఫౌండేషన్​ ఆధ్వర్యంలో కొత్త పంచాయతీ ఆఫీసుకు భూమిపూజ

రామోజీ ఫౌండేషన్​ ఆధ్వర్యంలో రంగారెడ్డి జిల్లా నాగన్​పల్లిలో గ్రామ పంచాయతీ కార్యాలయానికి ఇబ్రహీంపట్నం ఎమ్మెల్యే మంచిరెడ్డి కిషన్​రెడ్డి శంకుస్థాపన చేశారు. అనంతరం హరితహారం కార్యక్రమంలో భాగంగా మొక్కలు నాటారు.

రంగారెడ్డి జిల్లా ఇబ్రహీంపట్నం మండలం నాగన్​పల్లిలో రామోజీ ఫౌండేషన్​ ఆధ్వర్యంలో నిర్మంచనున్న గ్రామ పంచాయతీ కార్యాలయానికి ఎమ్మెల్యే మంచిరెడ్డి కిషన్​రెడ్డి భూమి పూజ చేశారు.

అనంతరం హరితహారంలో భాగంగా గ్రామంలో మొక్కలు నాటారు. గ్రామాన్ని రామోజీ ఫౌండేషన్​ ఛైర్మన్​ రామోజీరావు దత్తత తీసుకోవడంపై ఎమ్మెల్యే మంచిరెడ్డి ఆనందం వ్యక్తం చేశారు. రామోజీ ఫౌండేషన్​ ఆధ్వర్యంలో పల్లెలో అనేక అభివృద్ధి కార్యక్రమాలు చేపట్టారని ప్రశంసించారు. కార్యక్రమంలో ఇబ్రహీంపట్నం ఎంపీపీ, జడ్పీటీసీ, సర్పంచ్, ప్రజాప్రతినిధులు పాల్గొన్నారు.

ఇవీ చూడండి:ప్రైవేటు ఆస్పత్రుల్లో కరోనా పరీక్ష ధర రూ.2,200: మంత్రి ఈటల