రైతుల సంక్షేమం కోసం సీఎం కేసీఆర్ కృషి: ఎమ్మెల్యే కిషన్ రెడ్డి

రైతుల సంక్షేమం కోసం గతంలోని ఏ ప్రభుత్వం చేయని విధంగా తెలంగాణ సర్కార్ కృషి చేస్తోందని ఎమ్మెల్యే మంచిరెడ్డి కిషన్ రెడ్డి అన్నారు. రంగారెడ్డి జిల్లా తుర్కయంజాల్ మున్సిపాలిటీ పరిధిలోని సంఘీనగర్​లో పత్తి కొనుగోలు కేంద్రాన్ని ప్రారంభించారు.

తెలంగాణ ప్రభుత్వం నిరంతరం రైతుల అభివృద్ధికి కృషి చేస్తోందని ఎమ్మెల్యే మంచిరెడ్డి కిషన్ రెడ్డి అన్నారు. పంటకు గిట్టుబాటు ధర కల్పించే విధంగా చర్యలు తీసుకుంటున్నామని తెలిపారు. రంగారెడ్డి జిల్లా తుర్కయంజాల్ మున్సిపాలిటీ పరిధిలోని సంఘీనగర్​లో సీసీఐ ఆధ్వర్యంలో ఏర్పాటు చేసిన పత్తి కొనుగోలు కేంద్రాన్ని ప్రారంభించారు.

పత్తి రకాలను బట్టి కనీస మద్దతు ధరను ప్రకటించాలని ప్రభుత్వం నిర్ణయించినట్లు ఎమ్మెల్యే తెలిపారు. రైతులంతా పత్తి కొనుగోలు కేంద్రాలను సద్వినియోగం చేసుకోవాలని సూచించారు. ఈ కార్యక్రమంలో జిల్లా సహకార సంఘం బ్యాంక్ వైస్ ఛైర్మన్ కొత్త కురుమ సత్తయ్య, రైతు సమన్వయ సమితి జిల్లా అధ్యక్షుడు లక్ష్మారెడ్డి, స్థానికులు, రైతులు పాల్గొన్నారు.

ఇదీ చూడండి :ప్రేమికుడే హంతకుడా... అత్యాచారం జరిగిందా?