పడిపూజలు..భజనలు..శరణుఘోషలు..

ఎక్కడ చూసినా పడిపూజలే..ఎక్కడ విన్న అయ్యప్ప భజనలే. తెలుగు రాష్ట్రాలు భక్తి పారవశ్యంలో మునిగిపోయాయి. పడిపూజలతో భక్తులు పరవశించిపోతున్నారు. హరిహరసుతుడి సేవలో తరిస్తున్నారు.

అయ్యప్ప శరణుఘోషతో హైదరాబాద్​ మార్మోగుతోంది. కొత్తపేటలోని ఈనం వెంకన్న అయ్యప్ప పడిపూజను ఘనంగా నిర్వహించారు. గణపతి, సుబ్రమయ్యస్వామి, అయ్యప్పకు శాస్త్రోక్తంగా పూజలు నిర్వహించారు.

బాలమణికంఠులతో పాటు అయ్యప్ప దీక్షాధారులు పేటతులై అడుతూ తన్మయత్వంలో మునిగిపోయారు. అనంతరం 18మెట్లపై కర్పూరాలు వెలిగించి పడి పూజ చేశారు.

ఈ పూజలో మహిళలు భారీ సంఖ్యలో పాల్గొన్నారు. ఆద్యంతం కనులారా వీక్షించి కర్పూర నీరాజనాలు సమర్పించారు.

• ఇవీ చూడండి: "కొండను తవ్వి ఎలుకను పట్టారు"