మరో లేగ దూడపై చిరుత దాడి, కడ్తాల్లో భయం
రంగారెడ్డి జిల్లా కడ్తాల్లో మరో లేగదూడపై చిరుత దాడి చేసింది. ఇప్పటికే 17 లేగదూడలను పొట్టనపెట్టుకున్న చిరుత తాజాగా మరోదూడను చంపేసింది. మూడు నెలలుగా కంటిమీద కునుకు దూరం చేస్తున్న చిరుతను అధికారులు ఏమీ చేయలేకపోతున్నారని రైతులు ఆగ్రహం వ్యక్తం చేస్తున్నారు.
lepord-attach
రంగారెడ్డి జిల్లా కడ్తాల్ మండలం మైసిగండిలో లేగదూడపై చిరుతదాడి చేసింది. రైతు బోలానాయక్కు చెందిన రెండో లేగదూడను చిరుత హతమార్చింది. గత మూడు నెలలుగా కడ్తాల్, యాచారం, కందుకూరు మండలాల్లో రైతులకు కంటిమీద కునుకుదూరం చేసింది. ఇప్పటివరకు 18 లేగదూడలను హతమార్చింది. అధికారులకు సమాచారం ఇచ్చినప్పటికీ వారు స్పందించడంలేదని రైతులు వాపోతున్నారు. కడ్తాల్, గోవిందాయపల్లి, ముద్విన్, చర్వికొండ, కొర్షకొండలో బోన్లు ఏర్పాటు చేసినప్పటకీ చిక్కడం లేదు. చిరుత సంచారంతో గ్రామస్థులు తీవ్ర భయాందోళనలకు గురవుతున్నారు.
మరో లేగ దూడపై చిరుత దాడి