రంగారెడ్డి జిల్లా యాచారం మండలం కుర్మిద్దిలో కాంగ్రెస్ బృందం పర్యటించింది. ఫార్మాసిటీలో భూమిని కోల్పోతున్న రైతులతో సమావేశమైంది. ఫార్మాసిటీ ఆపడం కోసం పోరాటం మొదలైందని సీఎల్పీ నేత భట్టి విక్రమార్క అన్నారు. అక్టోబర్ 11 న ఫార్మాసిటీకి వ్యతిరేకంగా నిరసనలు చేపడతామన్నారు. 2023లో అధికారంలోకి రాగానే ఫార్మాసిటీ రద్దు చేస్తామన్నారు.
ఫార్మాసిటీతో భూగర్భ జలాలు, కృష్ణ నీళ్లు కలుషితం అవుతాయన్నారు. ఇందిరమ్మ పంపిణీ చేసిన ఎనిమిది వేల ఎకరాలు, రైతుల వద్ద నుంచి 12 వేల ఎకరాలు మొత్తం 20 వేల ఎకరాలు వ్యవసాయ భూములను ఫార్మాసిటీకి ధారాదత్తం చేస్తే...చూస్తూ ఊరుకునేది లేదని ప్రభుత్వాన్ని హెచ్చరించారు. నాడు ఇందిరమ్మ పేదలు కోసం భూములు పంపిణీ చేస్తే.. ఇవాళ ముఖ్యమంత్రి కేసీఆర్ దళారి అవతారమెత్తి ఆ భూములను కార్పొరేట్లకు పంచుతున్నారని భట్టి విక్రమార్క ఆరోపించారు.