'హయత్ నగర్​లో చెడ్డి గ్యాంగ్ హల్ చల్... 2 ఇళ్లల్లో చోరీ'

రాజధాని శివారులో మరోసారి చెడ్డి గ్యాంగ్ హల్​చల్ చేసింది. రంగారెడ్డి జిల్లా హయత్ నగర్ పోలీస్ స్టేషన్​ పరిధిలో రెండు ఇళ్లలో సుమారు 8.5 లక్షల బంగారం, నగదును దొంగలు దోచుకున్నారు.

రంగారెడ్డి జిల్లా హయత్ నగర్ పోలీస్ స్టేషన్ పరిధిలో చెడ్డి గ్యాంగ్​ వరుస దొంగతనాలకు పాల్పడింది. కుంట్లూరు గ్రామంలో రెండిళ్లను దొంగలు దోచేశారు.19.5 తులాల బంగారం, 75వేల నగదు అపహరించారు.

స్థానికంగా ఉన్న సీసీటీవీ కెమెరాల్లో ఈ దృశ్యాలు నిక్షిప్తమయ్యాయి. గ్యాంగ్​లో ఆరుగురు ఉన్నట్లు గుర్తించారు. కేసు నమోదు చేసుకున్న పోలీసులు దర్యాప్తు చేపట్టారు. ప్రత్యేక బృందాలుగా ఏర్పడిన పోలీసులు... దొంగల కోసం గాలిస్తున్నారు. చాలారోజుల తరువాత చెడ్డిగ్యాంగ్ వచ్చిందన్న సమాాచారంతో.. శివారు ప్రాంత వాసులు భయాందోళనలకు గురవుతున్నారు.

ఇవీ చూడండి : దర్శనానికి వెళ్తే దొంగలు పడ్డారు..