ప్రసిద్ధ పుణ్యక్షేత్రమైన వేములవాడ శ్రీ రాజరాజేశ్వర స్వామి ఆలయం మహాశివరాత్రి వేడుకలకు సిద్ధమవుతోంది. 2 కోట్ల రూపాయలతో ప్రత్యేక ఏర్పాట్లు చేస్తున్నారు. మార్చి 3 నుంచి 5 వరకు ఉత్సవాలకు అధికారులు ప్రణాళిక సిద్ధం చేశారు. ఏటా శివరాత్రికి దేశంలోని వివిధ ప్రాంతాల నుంచి లక్షల సంఖ్యలో భక్తులు వస్తుంటారు. ఇందుకోసం ఐదు లక్షల లడ్డూలను తయారు చేస్తున్నారు.
ఇవీ చదవండి:నోరూరించే వంటకాలు
ఆలయ పరిసరాల్లో భక్తులకు నీడకల్పించేందుకు ఇప్పటికే చలువ పందిళ్లు ఏర్పాటు చేశారు. ఆలయ ప్రాకారాలకు రంగులు వేయడం, తాగునీరు, పారిశుద్ధ్యం, క్యూలైన్ల క్రమబద్ధీకరణ పనులు చేపట్టినట్లు ఈవో దూస రాజేశ్వర్ తెలిపారు.
ఇవీ చదవండి:విద్యార్థుల వినూత్న ప్రయోగాలు
భక్తులకు త్వరగాదర్శనం కల్పించడమే లక్ష్యంగా ప్రణాళికలు సిద్ధం చేశామని ఈవో చెబుతున్నారు.
