సిరిసిల్లలో కాంగ్రెస్ సీనియర్ నేత వి.హనుమంతరావును పోలీసులు అదుపులోకి తీసుకున్నారు. సిరిసిల్లలో వలస కూలీల తరలింపు కోసం వీహెచ్ ప్రైవేటు బస్సులు ఏర్పాటు చేశారు. 4 బస్సుల్లో వారిని ఒడిశాకు పంపేందుకు యత్నిస్తుండగా... బస్సులకు అనుమతి లేదని పోలీసులు వారిని నిలిపేశారు.
అదే సమయంలో ఘటనాస్థలానికి తెరాస నాయకులు చేరుకోవడంతో... వీహెచ్, తెరాస నాయకుల మధ్య వాగ్వాదం జరిగింది. కూలీల తరలింపునకు ప్రభుత్వం ఏర్పాట్లు చేస్తోందని తెరాస నాయకులు పేర్కొన్నారు. రాహుల్‌ గాంధీ పిలుపుతో కాంగ్రెస్ సైతం కూలీలను స్వస్థలాలకు పంపిస్తోందని వీహెచ్ తెలిపారు. ఈ నేపథ్యంలో నేడు కూలీలను స్వస్థలాలకు పంపే ఏర్పాట్లు చేస్తున్నట్లు తెరాస నాయకులు స్పష్టం చేశారు. ఈ ఘటనపై వీహెచ్ తీవ్ర స్థాయిలో అసహనం వ్యక్తం చేశారు.