సిలిండర్​ పేలి తల్లీ కుమారుడు మృతి

సిలిండర్​ పేలి తల్లీ కుమారుడు మృతి చెందిన విషాద ఘటన పెద్దపల్లి జిల్లాలో చోటుచేసుకుంది. సోమవారం రాత్రి ఈ ప్రమాదం చోటుచేసుకుంది.

పెద్దపల్లి జిల్లా ధర్మారం మండలం దొంగతుర్తిలో సోమవారం రాత్రి విషాదం చోటుచేసుకుంది. గ్రామానికి చెందిన యశోద (45), రాహుల్​ (18) నిద్రకు ఉపక్రమించారు. అర్ధరాత్రి ఇంట్లోని గ్యాస్​ సిలిండర్​ ఒక్కసారిగా పేలిపోయింది. ప్రమాదంలో తల్లీ కుమారుడు తీవ్ర గాయాలతో మృతి చెందారు.

ఘటనా స్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. తల్లీకుమారుని మృతితో గ్రామంలో విషాద ఛాయలు అలుముకున్నాయి.