ట్రాన్స్జెండర్లను చులకనగా చూడకుండా, సమాజంలో తోటి వ్యక్తులుగా ఆదరించాలని హిజ్రాల సంఘం రాష్ట్ర అధ్యక్షురాలు లైలా అన్నారు. పెద్దపెల్లి జిల్లా రామగుండం పట్టణంలో రాష్ట్రస్థాయి జల్సా మహోత్సవాన్ని హిజ్రాలు వైభవంగా నిర్వహించుకున్నారు. 33 జిల్లాలోని హిజ్రాలు ఈ ఉత్సవంలో పాల్గొన్నారు.
సంఘంలో నూతనంగా చేరిన ఓ వ్యక్తికి శారీ ఫంక్షన్, వివాహ వేడుకలను నిర్వహించారు. ఒకరినొకరు పరిచయం చేసుకున్నారు. భవిష్యత్తులో సంఘం ఆధ్వర్యంలో నిర్వహించబోయే కార్యక్రమాలపై చర్చించారు. ప్రజలతో సత్ప్రవర్తనతో ఎలా ఉండాలో అందరూ చర్చించుకున్నారు.