కార్పొరేటర్​ భర్తపై చెప్పుతో దాడి.. అసలేం జరిగింది.?

ఎవరికైనా ఏదైనా సమస్య వస్తే మొదటగా స్థానిక ప్రజాప్రతినిధులను కలుస్తారు. సమస్యను విన్నవించుకుంటారు. పరిష్కరించాలని విజ్ఞప్తి చేస్తారు. కానీ ఆ ప్రజాప్రతినిధి కుటుంబం వల్లే వారికి చిక్కులు వస్తే... ఆగ్రహావేశంలో చెప్పుతో కొడితే.. ఇలాంటి ఘటనే నిజామాబాద్​లో చోటుచేసుకుంది. అసలేం జరిగిందంటే..

నిజామాబాద్ నగరంలో మహిళా కార్పొరేటర్ భర్తను ఓ మహిళ చెప్పుతో కొట్టింది. స్థానిక 45వ డివిజన్‌కు చెందిన కార్పొరేటర్ భర్త.. తమ కూతురిని మోసం చేశాడంటూ ఉదయం కార్పొరేటర్ ఇంటి ముందు తల్లిదండ్రులు ఆందోళన చేశారు. తమ కూతురికి న్యాయం చేయాలని డిమాండ్ చేశారు.

ఈ క్రమంలో కార్పొరేటర్ భర్త, బాధిత మహిళ తల్లిదండ్రులకు మధ్య వాగ్వాదం చోటుచేసుకుంది. గొడవలో కార్పొరేటర్ భర్తను బాధితురాలి తల్లి చెప్పుతో కొట్టింది.

ఇదీ చదవండి:KTR latest news: కేటీఆర్​ను కలిసిన డీఎంకే ఎంపీలు.. ఆ లేఖలో ఏముందంటే...