లాక్​డౌన్​తో కష్టాల్లో పడ్డ బెంగాలీ స్వర్ణకారులు

స్వర్ణకారులు మగువల అందాలను రెట్టింపు చేసే కార్మికులు. బంగారు, వెండి నగలను తయారు చేసే శ్రామికులు.. అతివలు ధరించే అందాల ఆభరణాల వెనక కనపడని ఆజ్ఞాత వాసులు.. వెరసి బెంగాలీ కళాకారులు, పండుగలు, పెళ్లిళ్లు, ఫంక్షన్​లు, ఇతరత్రా వేడుకలు ఏవైనా ఉంటేనే వీరికి చేతి నిండా పని ఉండేది. కానీ కరోనా వైరస్​ వ్యాప్తి నేపథ్యంలో లాక్​డౌన్ విధించడంతో పెళ్లిళ్లు, ఫంక్షన్​లు, వేడుకలు అన్నీ రద్దయ్యాయి. ఈ విపత్కర పరిస్థితుల్లో చేయడానికి పని లేక, సొంత ఊరికి వెళ్లే వీల్లేక... ఒక పూట మాత్రమే భోజనం చేస్తూ తీవ్ర ఇబ్బందులు పడుతున్నారు స్వర్ణకారులు.

ఉమ్మడి నిజామాబాద్​ జిల్లా పరిధిలో 20,000మంది స్వర్ణకారులు నివసిస్తున్నారు. నిజామాబాద్​ జిల్లా కేంద్రంలో 3000 మంది స్వర్ణకారులుండగా, నగరంలో 1000మంది బెంగాలీ కళాకారులు ఆభరణాల తయారీనే జీవనోపాధిగా మార్చుకొని బతుకుతున్నారు. అంతేకాక ఆర్మూర్, భీంగల్, బోధన్, కామారెడ్డి ప్రాంతాల్లో మరింత మంది ఉపాధి పొందుతున్నారు. లాక్​డౌన్​ కారణంగా తినడానికి తిండి కూడా దొరకని విపత్కర పరిస్థితి ఎదుర్కొంటున్న తమను ప్రభుత్వమే ఆదుకోవాలని... లేదంటే తిరిగి బెంగాల్​కు పంపే ఏర్పాట్లు అయినా చేయాలని విజ్ఞప్తి చేస్తోన్న నగర పరిధిలోని స్వర్ణకారులతో ఈటీవీ భారత్​ ముఖాముఖి...

ఇవీ చూడండి : సైన్యం కీలక విజయం- హిజ్బుల్​ సారథి​ హతం