కుక్కకి నెల మాసికం చేసిన యజమాని

తన భార్య మరణం కూడా అతన్ని అంతగా బాధించలేదు. కానీ ఎంతో ప్రేమగా పెంచుకున్న కుక్క మరణం కలిచి వేసింది. గతనెల 17న మరణించిన టిక్కుకి ఈ రోజు నెల మాసికం నిర్వహించాడు.

నిజామాబాద్ జిల్లా ముప్కాల్ మండల కేంద్రంలో రిటైర్ డీపీవో గద్దల సంజీవ్​ 14ఏళ్ల క్రితం 'టిక్కు' అనే శునకాన్ని తెచ్చుకుని పెంచుకున్నాడు. గత ఏప్రియల్ 17న టిక్కు అనారోగ్యంతో మృతి చెందింది. అప్పటి నుంచి యజమాని దాని జ్ఞాపకాలతోనే గడుపుతున్నాడు. ఈరోజు నెల మాసికం కూడా జరిపించాడు. బంధు మిత్రులందరిని ఆహ్వానించాడు.
సంజీవ్​కు ఇద్దరు కూతుళ్లు, కుమారుడు ఉన్నారు. కుమార్తెలు అమెరికాలో, కొడుకు హైదరాబాద్​లో స్థిరపడ్డారు. మూడేళ్ల క్రితం భార్య మరణించింది. సంజీవ్​కు తోడుగా టిక్కు మాత్రమే ఉంది. తన భార్య చనిపోయినప్పుడు కూడా ఇంతలా బాధపడలేదని సంజీవ్ చెబుతున్నాడు.
ఒంటరిగా ఉన్న తనకు టిక్కు తోడుగా ఉందని..ఇప్పుడు అది కూడా చనిపోవటం వల్ల మళ్లీ ఒంటరయ్యానని వాపోయాడు.