ఏర్పాట్లు చేయండి

నిజామాబాద్​లో జరిగే తెరాస పార్లమెంటరీ సన్నాహక సభ ఏర్పాట్లు చేయాలని నేతలను ఎంపీ కవిత కోరారు. నియోజకవర్గ నేతలతో హైదరాబాద్​లో సమావేశమయ్యారు.

నిజామాబాద్ పార్లమెంటు నియోజకవర్గ సన్నాహక సమావేశానికి అన్ని ఏర్పాట్లు చేయాలని నేతలను ఎంపీ కవిత కోరారు. ఈనెల 14న నిజామాబాద్​లోని గిరిరాజ్ మైదానంలో జరగనున్న సన్నాహక సభపై.. హైదరాబాద్​లోని కవిత నివాసంలో నియోజకవర్గ ప్రజా ప్రతినిధులు సమావేశమయ్యారు.

తెరాస కార్యనిర్వాహక అధ్యక్షుడు కేటీఆర్ హాజరు కానున్న సమావేశానికి.. ఒక్కో అసెంబ్లీ నియోజకవర్గం నుంచి 3వేల చొప్పున.. సుమారు 30వేల మంది హాజరవుతారని అన్నారు. వాహనాల పార్కింగ్, తాగునీరు, టాయిలెట్లఏర్పాటు తదితర అంశాలపై భేటీలో చర్చించారు.

సమావేశంలో మంత్రి వేముల ప్రశాంత్ రెడ్డి, ఎమ్మెల్యేలు గణేష్ గుప్తా, బాజిరెడ్డి గోవర్ధన్, షకీల్, జీవన్ రెడ్డి, విద్యాసాగర్ రావు, సంజయ్ కుమార్, ఎమ్మెల్సీలు వీజీ గౌడ్, ఆకుల లలిత, భానుప్రసాద్ హాజరయ్యారు.

ఇవీ చూడండి:అంబానీ స్క్వేర్ ప్రారంభం