'పురఎన్నికల్లో ప్రతిపక్షాలకు అభ్యర్థులే కరవు'

నిజామాబాద్​ జిల్లా బోధన్​ మున్సిపాలిటీ ఎన్నికలకు సంబంధించి తెరాస పార్టీ అభ్యర్థుల జాబితాను ఎమ్మెల్యే షకీల్​ విడుదల చేశారు.

నిజామాబాద్​ మున్సిపల్​ ఎన్నికల్లో నిలబెట్టడానికి ప్రతిపక్ష పార్టీలకు అభ్యర్థులు కరవయ్యారని బోధన్​ ఎమ్మెల్యే షకీల్​ ఎద్దేవా చేశారు. బోధన్​ పురపాలక ఎన్నికలకు సంబంధించి తెరాస పార్టీ ఖరారు చేసిన అభ్యర్థుల జాబితాను విడుదల చేశారు.

బోధన్​లో తెరాస గెలుపునకు పూర్తి అనుకూలంగా ఉందని ఎమ్మెల్యే పేర్కొన్నారు. సర్పంచ్​, ఎంపీటీసీ, జడ్పీటీసీ మాదిరి... పుర ఎన్నికల్లోనూ రాష్ట్రమంతటా గులాబీ జెండా ఎగురుతుందని ధీమా వ్యక్తం చేశారు.

• ఇవీచూడండి: పురపోరుకు ములుగు ఎందుకు దూరమైంది..?