నిర్మల్​లో 'బ్రిటన్' టెన్షన్.. కొత్త వైరస్?

కరోనా సెకండ్​వేవ్ మొదలవుతోందన్న వార్తల నేపథ్యంలో.. బ్రిటన్ దేశంలో కొత్త వైరస్ లక్షణాలు వెలుగు చూడటం ప్రపంచాన్ని కలవరానికి గురిచేస్తోంది. ఈ క్రమంలో ఉపాధి నిమిత్తం ఆ దేశానికి వెళ్లిన ఇద్దరు నిర్మల్ జిల్లా వాసులు స్వదేశానికి తిరిగొచ్చారు.

ఉపాధి నిమిత్తం విదేశానికి వెళ్లిన ఇద్దరు వ్యక్తులు.. స్వదేశానికి తిరిగొచ్చారనే వార్త నిర్మల్ జిల్లా వాసులను భయబ్రాంతులకు గురిచేసింది. కరోనా సెకండ్​వేవ్ మొదలవుతోందన్న వార్తల నేపథ్యంలో.. బ్రిటన్ నుంచి వచ్చే వ్యక్తుల పట్ల అప్రమత్తంగా ఉండాలని ప్రభుత్వం సూచించడంతో జిల్లా వైద్యారోగ్యశాఖ స్పందించింది.

బ్రిటన్​లో కొత్త వైరస్ లక్షణాలు వెలుగు చూడటంతో అప్రమత్తమైన అధికారులు అనుమానితుల రక్త నమూనాలు సేకరించారు. నిర్ధారణ పరీక్షలు జరిపి కరోనా నెగిటివ్ వచ్చినట్లు తెలిపారు. ఆ మేరకు జిల్లా వాసులు ఊపిరి పీల్చుకున్నారు. జిల్లా వైద్యాధికారి ధనరాజ్.. వారిరువురిని హోమ్ క్వారంటైన్​లో ఉండాల్సిందిగా కోరారు. ఈనెల 13వ తేదీన ఒకరు, 19న మరొకరు స్వదేశానికి వచ్చారని పేర్కొన్నారు.

ఇదీ చదవండి:'కొవిడ్ సెకండ్ వేవ్ పట్ల అప్రమత్తత అవసరం'