ప్రధాని పిలుపుతో ఎంపీ బాపూరావు పాదయాత్ర

ప్రధాని నరేంద్రమోదీ పిలుపు మేరకు నిర్మల్​ జిల్లాలో ఎంపీ బాపూరావు పాదయాత్రను ప్రారంభించారు.

గాంధీ 150వ జయంతిని పురస్కరించుకొని ప్రధాని మోదీ పిలుపు మేరకు నిర్మల్ జిల్లా మంజులాపూర్​లో ఆదిలాబాద్​ ఎంపీ సోయం బాపూరావు పాదయాత్ర చేపట్టారు. స్థానిక గాంధీ విగ్రహానికి పూలమాల వేసి యాత్రను ప్రారంభించారు. దేశంలో పెరిగిపోతోన్న ప్లాస్టిక్​ వినియోగాన్ని నివారించేందుకు ప్రధాని చర్యలు చేపట్టారన్నారు. అడవుల అభివృద్ధికి మంజూరయ్యే కంపా నిధులు, కేసీఆర్ కిట్, స్వచ్ఛభారత్, ఇంకుడు గుంతలు ఇలా అనేక పథకాలకు కేంద్రం నిధులను కేటాయిస్తోందని... ఇవన్నీ రాష్ట్ర ప్రభుత్వమే అందిస్తున్నట్లుగా మంత్రి ఇంద్రకరణ్​ రెడ్డి గొప్పలు చెప్పుకోవడం సిగ్గుచేటని ఎద్దేవా చేశారు. కేంద్రం విడుదల చేసిన నిధులపై మంత్రికి అవగాహన ఉంటే చర్చలకు సిద్ధం కావాలని ఆయన సవాల్ విసిరారు.

ఇదీ చూడండి:'ఆర్థిక మందగమనానికి జీఎస్టీనే కారణం'