నిర్మల్ జిల్లాలోని దిలావర్ పూర్ పోలింగ్ కేంద్రంలోకి రాష్ట్రమంత్రి ఇంద్రకరణ్రెడ్డి తనయుడు గౌతంరెడ్డి, ఆయన సతీమణి దివ్యారెడ్డిని పోలీసులు అనుమతించడం వివాదాస్పదమైంది. తెరాస అభ్యర్థుల తరఫున అమాత్యుని కుమారుడు, కోడలు సహా మరో పది మంది వెళ్లినా అధికారులు అడ్డుకోలేదు. పోలీసుల తీరుపై కాంగ్రెస్ శ్రేణులు ఆందోళనకు దిగారు. పరిస్థితి ఉద్రిక్తంగా మారడం వల్ల అక్కడ 144 సెక్షన్ విధించారు. నిర్మల్ గ్రామీణ ఎస్సై రాజు తెరాసకు వత్తాసు పలుకుతున్నారని హస్తం నాయకులు ఆరోపించారు. పోలీసులపై చర్యలు తీసుకోవాలని కాంగ్రెస్ నేత మహేశ్వర్రెడ్డి డిమాండ్ చేశారు.
దిలావర్పూర్ పోలింగ్లో కేంద్రంలో కాంగ్రెస్ ఆందోళన