రూ.12.4 లక్షల విలువైన గుట్కా స్వాధీనం

నిర్మల్​ జిల్లా సోన్​ మండలంలో సుమారు రూ.12.4 లక్షల విలువైన గుట్కా ప్యాకెట్లను పోలీసులు సీజ్​ చేశారు. కర్ణాటక రాష్ట్రం నుంచి రవాణ చేస్తున్నట్లు గుర్తించామని ఎస్పీ శశిధర్ రాజు తెలిపారు.

నిర్మల్​ జిల్లా సోన్​ మండలంలో వారం రోజుల్లోనే మరోసారి గుట్కాను పోలీసులు పట్టుకున్నారు. ఈనెల 20న గంజాల్​ టోల్​ ప్లాజా వద్ద సుమారు రూ.22 లక్షల గుట్కాను స్వాధీనం చేసుకున్న పోలీసులు, తాజాగా గురువారం సాయంత్రం రూ.12.4 లక్షల విలువైన గుట్కా ప్యాకెట్లను సీజ్​ చేశారు. రాష్ట్రంలో గుట్కాపై నిషేధం విధించడం వల్ల పక్క రాష్ట్రాల నుంచి అక్రమంగా రవాణా చేస్తున్నట్లు గుర్తించామని ఎస్పీ శశిధర్​రాజు తెలిపారు. బాధ్యులపై కఠిన చర్యలు తీసుకుంటామన్నారు.

ఇవీ చూడండి: చరవాణిలో చిత్రీకరించి యువకుని బలవన్మరణం