భైంసాలో ఉద్రిక్తత..బైక్లకు నిప్పు, పోలీసులకు గాయాలు
నిర్మల్‌ జిల్లా భైంసా పట్టణంలోని ఓ ప్రాంతంలో ఆదివారం రాత్రి ఇరువర్గాల మధ్య తలెత్తిన ఘర్షణ ఉద్రిక్తతకు దారితీసింది. ఓ ద్విచక్రవాహన చోదకుడు గల్లీలో వెళ్తుండగా స్థానిక యువకులు అడ్డుకున్నారు. అది గొడవకు దారితీసింది.
ఇరువర్గాలు రాళ్లు రువ్వుకుని, కర్రలతో దాడి చేసుకున్నారు. కొన్ని ఇళ్లకు నిప్పుపెట్టారు. పోలీసులు అదుపుచేసేందుకు ప్రయత్నిస్తుండగా రాళ్ల దాడిలో భైంసా డీఎస్పీ నరసింహారావు, పట్టణ సీఐ వేణుగోపాలరావు, ముథోల్‌ ఎస్సై అశోక్‌, కొందరు కానిస్టేబుళ్లు గాయపడ్డారు.