14 మంది ఎంపీలతో ఏం సాధించారో చెప్పండి: ఉత్తమ్

ఇప్పుడున్న 14 మంది ఎంపీలతో తెరాస రాష్ట్రానికి ఏం సాధించిందో కేసీఆర్​ చెప్పాలని టీపీసీసీ అధ్యక్షుడు, నల్గొండ కాంగ్రెస్​ లోక్​సభ అభ్యర్థి ఉత్తమ్​ కుమార్​ రెడ్డి ప్రశ్నించారు. నల్గొండ జిల్లా త్రిపురారంలో జరిగిన కాంగ్రెస్​ కార్యకర్తల సమావేశంలో పాల్గొన్నారు.

11 మంది ఎంపీలతో పాటు ఇతర పార్టీలకు చెందిన ముగ్గురు ఎంపీలను చేర్చుకుని తెరాస ఏం చేసిందని టీపీసీసీ అధ్యక్షుడు ఉత్తమ్​ కుమార్​ రెడ్డి ప్రశ్నించారు. 14 మంది లోక్​సభ సభ్యులున్నా విభజన హామీలు సాధించడంలో గులాబీ పార్టీ విఫలమైందని ఆరోపించారు. గిరిజన విశ్వవిద్యాలయం, ప్రాజెక్టులకు జాతీయ హోదా తీసుకురాలేదని విమర్శించారు. ఈ కార్యక్రమానికి జానారెడ్డి, ఇతర నాయకులు హాజరయ్యారు.

ఇవీ చూడండి:హస్తం​ను వీడి... కారెక్కుతున్న సునీతా..!