నాగర్ కర్నూల్ జిల్లా కొల్లాపూర్ మండలం అంకిరావుపల్లి స్టేజి దగ్గర తూఫాన్ వాహనం బోల్తాపడింది. ప్రమాదంలో ఎనిమిది మంది తీవ్రంగా గాయపడ్డారు. కొల్లాపూర్ నుంచి 18 మంది ప్రయాణికులతో తూఫాన్ వాహనం హైదరాబాద్కు బయలుదేరింది. అంకిరావుపల్లి స్టేజి దగ్గరకు రాగానే అదుపుతప్పి కాలువలోకి దూసుకుపోయి బోల్తాకొట్టింది. ప్రమాద సమయంలో వాహనంలో 18 మంది ఉన్నారు. గాయపడిన ఎనిమిది మందిలో ఇద్దరి పరిస్థితి విషమంగా ఉండడం వల్ల మహబూబ్నగర్ ఆస్పత్రికి తీసుకెళ్లారు. డ్రైవర్ ఫోన్లో మాట్లడుతూ... అతి వేగంగా నడపడం వల్లే ప్రమాదం జరిగిందని ప్రయాణికులు ఆరోపిస్తున్నారు. పోలీసులు కేసు నమోదు చేసుకుని దర్యాప్తు చేస్తున్నారు.
తుపాన్ వాహనం బోల్తా... ఎనిమిది మందికి గాయాలు