తుపాకీతో బెదిరించి 70వేలు ఎత్తుకెళ్లిన దొంగలు

ములుగు జిల్లాలో ఓ వ్యక్తి అర్ధరాత్రి ఒక్కడే ఉన్నాడని గమనించిన దొంగలు ఇంట్లో చొరబడ్డారు. తుపాకీతో బెదిరించి 70వేల రూపాయలు, వెండి ఆభరణాలు ఎత్తుకెళ్లారు.

ములుగు జిల్లా వాజేడు మండల కేంద్రంలో దొంగలు బీభత్సం సృష్టించారు. ఆయిల్ బంకు భాగస్వామి కేవీవీ వర్మ ఇంట్లో అర్ధరాత్రి ఒక్కడే ఉండడం గమనించిన దొంగలు అతని ఇంట్లో చొరబడ్డారు. తుపాకితో బెదిరించి, టవల్ తో కాళ్లు చేతులు కట్టేశారు. చంపేస్తామంటూ బెదిరిస్తూ ఇంట్లో ఉన్న 70 వేల రూపాయలు, వెండి ఆభరణాలు ఎత్తుకెళ్లారు. విషయం తెలుసుకున్న స్థానిక పోలీసులు కేసు నమోదు చేసుకుని విచారణ జరుపుతున్నారు.