30 రోజుల కార్యాచరణ ముగింపు కార్యక్రమంలో కలెక్టర్, ఎస్పీ

ములుగు జిల్లా కేంద్రంలో 30 రోజుల కార్యచరణ ప్రణాళిక ముగింపు కార్యక్రమంలో భాగంగా కలెక్టర్, ఎస్పీ కలిసి గ్రామంలో జరిగిన అభివృద్ధిని చూశారు.

30 రోజుల ప్రణాళికలో భాగంగా ఇవాళ చివరి రోజు అయినందున ములుగు జిల్లా కలెక్టర్ సి నారాయణ రెడ్డి, ఎస్పీ సంగ్రామ్ సింగ్ గణపతి పాటిల్ ములుగు పట్టణంలో తిరుగుతూ శ్రమదానం చేశారు. ఈ నెల 27 నుంచి అన్ని గ్రామ పంచాయతీల్లో ప్లాస్టిక్ నిషేధాన్ని అమలు చేయనున్నట్లు కలెక్టర్ తెలిపారు. రాష్ట్ర ప్రభుత్వం మేడారం జాతరను ప్లాస్టిక్ రహితంగా నిర్వహించేందుకు నిర్ణయించిందన్నారు. జిల్లాను ప్లాస్టిక్ రహితంగా రూపొందించేందుకు ప్రత్యేక చర్యలు తీసుకుంటున్నామన్నారు.